“Фүкүшима-1” станцыг хаах болсон тухай мэдэгдэл хийлээ
Өнгөрсөн гуравдугаар сарын 11-нд Японд болсон хүчтэй газар хөдлөлтийн улмаас "Фүкүшима-1" АЦС-д осол гарсан билээ. Түүнээс хойш багагүй хугацаа өнгөрч байгаа ч ослын үр дагаврыг арилгах талаар холбогдох байгууллагууд хичээнгүй зүтгэсээр байгаа. Гэсэн хэдий ч уг станц орших бүс нутагт цацраг идэвхт бодисын хэмжээ ихэссээр байгаа билээ. Хамгийн сүүлийн мэдээгээр АЦС-ын ойролцоохь газруудад цацраг идэвхт йодын хэмжээ хэвийнхээс 4385 дахин их болсон байна. Японы Ерөнхий сайд Наото Кан өчигдөр Коммунист намын удирдагчидтай уулзах үеэр дээрх станцыг хаах талаар мэдэгджээ. Үүний өмнөхөн Японы Сайд нарын танхимын Ерөнхий нарийн бичгийн дарга Ю.Эдано Фүкүшимагийн атомын цахилгаан станцыг удахгүй хааж болзошгүй талаар мэдээлж байсан юм. Японы эрх баригчид энэ нь хүний эрүүл мэндэд шууд нөлөө үзүүлэхгүй гэж байсан ч өчигдөр тус станцын нутаг дэвсгэрээс цацраг идэвхт бодист хордож нас барсан мянга гаруй хүний цогцос олдсон талаар "Киодо" агентлаг мэдээлэв.eh survalj : http://www.dailynews.mn/?vfile=13&vmet_id=18220&vmet_main=2337
2011.04.02
No comments:
Post a Comment